اسلام آباد(بيورو رپورٽ) ناڻي واري وزير محمد اورنگزيب جو چوڻ آهي ته 54 هزار خالي عهدا ختم ڪيا ويا آهن، جنهن سان هر سال 56 ارب رپيا بچندا، جڏهن ته ڪيترن ئي وزارتن ۽ کاتن کي ضم ڪرڻ ۽ ختم ڪرڻ جو عمل جاري آهي.اسلام آباد ۾ پاڪستان بزنس ڪائونسل پاران منعقد ڪيل هڪ تقريب کي خطاب ڪندي ناڻي واري وزير چيو ته معاشي استحڪام، مقابلي ۽ مالي نظم و ضبط لاءِ سڌارا اڳتي وڌي رهيا آهن.هن چيو ته ٽيڪس نظام جي مڪمل ڊجيٽلائيزيشن جو ايجنڊا تيزي سان اڳتي وڌي رهيو آهي، ۽ ملڪ کي نقد معيشت کان دستاويزي معيشت ڏانهن منتقل ڪرڻ لاءِ قدم کنيا پيا وڃن.محمد اورنگزيب وڌيڪ چيو ته قرض جي سراسري پختگي 4 سالن تائين وڌي وئي آهي ۽ ري فنانسنگ جو خطرو گهٽجي ويو آهي، 54 هزار خالي عهدا ختم ڪيا ويا آهن، جنهن سان هر سال 56 ارب رپيا بچندا، ۽ ڪيترن ئي وزارتن ۽ کاتن کي ضم ڪرڻ ۽ ختم ڪرڻ جو عمل جاري آهي.ناڻي واري وزير چيو ته 3.5 سيڪڙو معاشي واڌ جو امڪان آهي، جيڪو ايندڙ سال 4 سيڪڙو تائين پهچڻ جو امڪان آهي، ۽ وچولي مدت ۾، واڌ 6 کان 7 سيڪڙو تائين پهچي سگهي ٿي، جڏهن ته ڪرپٽو ۽ ڊجيٽل اثاثن لاءِ ريگيوليٽري نظام فعال ٿيڻ جي ويجهو آهي.هن چيو ته ملڪ جي معيشت جي ترقي لاءِ برآمدات وڌائڻ ضروري آهي ۽ خانگي شعبو ملڪ کي اڳتي وٺي وڃي رهيو آهي.ناڻي واري وزير چيو ته 11 هين اين ايف سي ايوارڊ جو پهريون اجلاس 4 ڊسمبر تي منعقد ٿيندو.
