ڪراچي(اسٽاف رپورٽر)ايندڙ 24 ڪلاڪن دوران شارع قائد ۾ موسم گرم ۽ خشڪ رهڻ جو امڪان آهي.موسميات کاتي جو چوڻ آهي ته ڪراچي ۾ گهٽ ۾ گهٽ گرمي پد 26.5 ڊگري سينٽي گريڊ رڪارڊ ڪيو ويو جڏهن ته وڌ ۾ وڌ گرمي پد 35 کان 37 ڊگري سينٽي گريڊ رهڻ جو امڪان آهي.موسميات کاتي موجب ڪراچي ۾ اتر اولهه کان 7 کان 10 ڪلوميٽر في ڪلاڪ جي رفتار سان هوائون هلي رهيون آهن، هوا ۾ نمي جو تناسب 52 سيڪڙو آهي.ٻئي طرف موسميات کاتي جو چوڻ آهي ته بلوچستان جي اڪثر ضلعن ۾ موسم گرم ۽ خشڪ رهندي، جڏهن ته زوب ۽ بارکان ۾ اڄ شام ۽ رات ۾ تيز هوائن سان گڏ هلڪي برسات جو امڪان آهي.موسميات کاتي موجب ڪوئيٽا ۾ صبح جو گهٽ ۾ گهٽ گرمي پد 10 ڊگري سينٽي گريڊ رڪارڊ ڪيو ويو. موسميات کاتي جو چوڻ آهي ته زيارت ۾ گرمي پد 5، قلات ۾ 9، مستونگ ۾ 10، پشين ۾ 12 ۽ زوب ۾ 17 ڊگري سينٽي گريڊ رڪارڊ ڪيو ويو.
