ڪراچي(ويب ڊيسڪ)اڳوڻي صدر مملکت ۽ پاڪستان پيپلز پارٽي پارليامينٽرينز جي صدر آصف علي زرداري کي 1973ع جي آئين جي گولڊن جوبلي جي موقعي تي قوم کي مبارڪباد ڏيندي ان عزم جو اظهار ڪيو آهي ته هو آئين جي تحفظ لاءِ ڪنهن به قرباني کان نه ڪيٻائيندا. آصف علي زرداري چيو ته قائد عوام ذوالفقار علي ڀٽو شهيد 1973ع جي آئين جي صورت ۾ قوم کي اهڙو تحفو ڏنو جيڪو هڪ متفقه آئين آهي جنهن تي قومي اسيمبلي جي سڀني ميمبرن جون صحيحون آهن. آصف علي زرداري چيو ته 1973ع جي آئين جي اهميت اها آهي ته قومي اسيمبلي جي سمورن ميمبرن جن جو تعلق مختلف سياسي ۽ مذهبي پارٽين سان هو، انهن آئين تي اتفاق راءِ سان صحيحون ڪيون هيون، پيپلز پارٽي پارليامينٽرينز جي سربراهه 1973ع جي آئين تي صحيح ڪندڙ سمورن سياستدانن کي خراج تحسين پيش ڪيو. آصف علي زرداري مادر جمهوريت بيگم نصرت ڀٽو ۽ محترمه بينظير ڀٽو شهيد جي قيادت ۾ پيپلزپارٽي جي انهن هيروز کي سلام پيش ڪيو جن آئين جي بحالي لاءِ عظيم قربانيون ڏنيون آهن.اڳوڻي صدر آصف علي زرداري چيو آهي ته آمريت جي اونداهي دور ۾ پيپلز پارٽي جي جيالن پنهنجي رت سان چراغ روشن ڪيا ۽ جمهوريت لاءِ جدوجهد ڪندڙن لاءِ راهه هموار ڪئي وئي،آصف علي زرداري انهن سمورن سياسي ڪارڪنن کي خراج عقيدت پيش ڪيو جن آئين ۽ جمهوريت جي خاطر ڦاهيون قبول ڪيون، پٺن تي چابڪ ۽ قيد جون سزائون به برداشت ڪيون.گنج جمهوريت جي شهيدن لاءِ شمع روشن آهي، جتان شهيدن جي رت سان جمهوريت جو سج اڀري ٿو. آصف علي زرداري چيو ته 1973ع جي آئين کي اصل شڪل ۾ بحال ڪرڻ محترمه بينظير ڀٽو شهيد جي زندگيءَ جو بنيادي مقصد هو ته جيئن بااختيار پارليامينٽ کي بحال ڪري سگهجي، الحمدلله ارڙهين آئيني ترميم ذريعي 1973ع جو آئين اصل شڪل ۾ بحال ڪيو ويو آهي. اڳوڻي صدر چيو پاڪستان جي عوام جي چونڊيل پارليامينٽ عوام جي سڀ کان وڏي عدالت آهي، ان عدالت جي اڳيان سڀ موجود آهن هٿيار ڦٽا ڪرڻا پوندا، آصف علي زرداري چيو ته اسان جو ملڪ آهي اڄ مشڪلاتن کي منهن ڏئي رهيو آهي ته ڪجهه عنصرن آئين کان انحراف ڪيو هو، هاڻي وقت اچي ويو آهي ته اسان سڀ گڏجي قوم ۽ ملڪ جي مفاد لاءِ آئين تي عمل ڪريون.مستقبل جا فيصلا ڪرڻ جو اختيار پارليامينٽ کي ڇڏيو.
