اسلام آباد: (بيورو رپورٽ) پاڪستان جي نائب وزيراعظم، پرڏيهي وزير اسحاق ڊار ۽ ايراني پرڏيهي وزير عباس عراقچي جي وچ ۾ ٽيليفون تي رابطو ٿيو آهي.پرڏيهي وزارت جي ترجمان موجب انهي رابطي ۾ ٻنهي اڳواڻن ايران ۽ خطي جي موجوده صورتحال تي تفصيلي خيالن جي ڏي وٺ ڪئي. پرڏيهي وزارت جي ترجمان ٻڌايو ته پرڏيهي وزير اسحاق ڊار خطي ۾ امن، استحڪام جي لاءِ عباس عراقچي سان نيڪ خواهشن جو اظهار ڪيو. انهي کان علاوه ٻنهي اڳواڻن گڏيل دلچسپي جي معاملن تي ٻطرفي مشاورت جاري رکڻ تي به اتفاق ڪيو.
