اسلام آباد(بيورو رپورٽ) چيمپئنز ٽرافي لاءِ ڀارت جي پاڪستان ۾ نه کيڏڻ واري فيصلي بابت انٽرنيشنل ڪرڪيٽ ڪائونسل، پاڪستان ڪرڪيٽ بورڊ کي آگاهه ڪري ڇڏيو آهي. پاڪستان ڀارت کي ڀرپور جواب ڏيڻ لاءِ صلاح مشورا شروع ڪري ڇڏيا آهن ۽ ابتدائي رد عمل طور چيو آهي ته جيڪڏهن ڀارت پاڪستان اچي نه کيڏندو ته پاڪستان به مستقبل ۾ ڀارت سان ڪنهن به ٽورنامينٽ ۾ ميچ نه کيڏندو. ان حوالي سان باضابطا طور تي فيصلو ناهي ڪيو پر هن ڀيري پاڪستان سخت جوابي قدم جو فيصلو ڪيو آهي. انگلينڊ ۽ نيوزيليند سميت دنيا جون سڀ وڏيو ٽيمون پاڪستان جا دورا ڪري رهيون اهن ۽ سيڪورٽي جو ڪو مسئلو ناهي، اهڙي ۾ ڀارت جي نه کيڏڻ جو ڪو جواز ناهي. اسپورٽس جي اسپرٽ سبب پاڪستان سدائين ڀارت کي اڪموڊيٽ ڪيو آهي پر هاڻي ڀارت حد پار ڪري چڪو هي. 2025 ۾ چيمپئنز ٽرافي آءِ سي سي ڪرائي رهي آهي ۽ گهڻو اڳ ڀارت ان لاءِ آمادگي ظهر ڪرڻ بعد عين وقت تي جيڪڏهن ڪنهن ٽئين ملڪ م کيڏڻ چاهي ٿو ته پاڪستان هائبرڊ سيسٽم کي فالو نه ڪندو.
