لاهور(ويب ڊيسڪ)پنجاب جو گورنر عمر سرفراز چيما بيمار ٿيڻ بعد اسپتال منتقل ڪيو ويو آهي.پنجاب جي گورنر جي خانداني ذريعن موجب عمر سرفراز چيما جي طبيعت اڱاري تي خراب ٿي، جنهن بعد سندس عملي کي اطلاع ڪيو ويو.عمر سرفراز چيما کي فوري طور تي سروسز اسپتال نيو ويو، جتي ڊاڪٽرن کيس ڊائريا جي تشخيص ڪئي، جنهن کانپوءِ کيس ڊريپ پيئي.ذريعن جو چوڻ آهي ته گورنر عمر سرفراز چيما جو سروسز اسپتال ۾ طبي معائنو ڪيو پيو وڃي ۽ سندس مختلف ٽيسٽ به ڪيا پيا وڃن پر سندس صحت کي ڪو به خطرو ناهي.
