اسلام آباد (بيورو رپورٽ) وفاقي اطلاعات واري وزير عطا تارڙ چيو آهي ته ملڪ ۾ دهشتگرديءَ جي تازن واقعن کانپوءِ پاڪ افغان سرحد تي انٽيليجنس آپريشن ڪري فتنہ الخوارج جي 29 دهشتگردن کي ماريو ويو آهي.عطا تارڙ هڪ بيان ۾ چيو ته “آپريشن غضب للحق” تحت سيڪيورٽي فورسز آپريشن ڪيو، جنهن ۾ پڪتيا، پڪتيڪا ۽ ڪنڙ ۾ جماعت الاحرار ۽ فتنہ الخوارج جي ٽن هدفن کي ڪاميابيءَ سان تباهه ڪيو ويو. هن جو وڌيڪ چوڻ هو ته باجوڙ ۾ پاڪ افغان سرحد ويجهو آپريشن ۾ خارجي ڪمانڊر خان فروش عرف زابل ٽن دهشتگردن سميت مارجي ويو.
