سکر (جيرام داس )قرنطينه سينٽر مان 138 وڌيڪ زائرين جي ٽيسٽ نيگيٽو آئي آهي جن کي ڪجهه دير ۾ گهرن ڏانهن روانو ڪيو ويندو . صحتياب زائرين کي وڌيڪ دير لاءِ سينٽر م نٿو رکي سگهجي. اهڙو اظهار ٽرانسپورٽ جي صوبائي وزير اويس قادر شاهه پريس ڪانفرنس دوران ڪيو. هن ٻڌايو ته سکر ۾ صحتياب ٿي ويل زائرين 14 ڏينهن کان قرنطينه سينٽر ۾ ترسيل هئا. واضح رهي ته اڳ ۾ پهرين مرحلي ۾ 640 زائرين جا ٽيسٽ منفي اچڻ بعد کين گهرن ڏانهن روانو ڪيو ويو هو. اويس شاهه چيو ته سينٽر ۾ رکيل ماڻهن کي هر قسم جي سهولت ملي رهي آهي.
