اسلام آباد(رپورٽ اياز مهر) نيشنل ڊيٽابيس اينڊ رجسٽريشن اٿارٽي (نادرا) نيشنل سيڪس آفينڊرز رجسٽري (NSOR) پليٽ فارم تيار ڪيو آهي جنهن سان گڏ هڪ ايس ايم ايس ويريفڪيشن سروس شهرين ۽ ادارن کي ٻارن ۽ عورتن خلاف جنسي ڏوهن جي سزا يافته ماڻهن جي سڃاڻپ ۽ ٽريڪ ڪرڻ ۾ مدد ڪندي. اهو جنسي ڏوهارين جو هڪ متحرڪ ڊيٽابيس آهي. مختلف قانون لاڳو ڪندڙ ادارن ۽ صوبائي حڪومتن سان رابطا قائم ڪيا ويا آهن ته جيئن تازي ڊيٽا به اپ ڊيٽ ڪري سگهجي. هن قدم جو مقصد عوامي خدمت کي وڌيڪ متحرڪ ۽ ذميوار بڻائڻ آهي ادارن ۽ ماڻهن جي ضرورتن کي پورو ڪرڻ لاءِ جنسي تشدد ۽ بدسلوڪي کي روڪڻ لاءِ هي پليٽ فارم مددگار ثابت ٿيندو. نادرا چيئرمين طارق ملڪ جو چوڻ آهي ته منهنجي دلي خواهش هئي ته هي يٿا جلد مڪمل ٿئي جيئن ٻارن ۽ عورتن خلاف جنسي تشدد کي روڪي سگهجي. هن چيو ته گهريلو ملازم، ٽيوشن، ديني سبق پڙهائڻ يا سرڪاري ۽ نجي ادارن ۾ ڪنهن به شخص کي ملازم رکڻ کان اڳ ڪو به شهري ملازم جو شناختي ڪارڊ نمبر ملائي سندس بابت ڪرائيم هسٽري معلوم ڪري سگهندو.
