ماسڪو(ويب ڊيسڪ)مشهور روسي فوجي بلاگر ولاديلون تاتارسڪي روسي شهر سينٽ پيٽرزبرگ ۾ هڪ ڪيفي ۾ ڌماڪي ۾ مارجي ويو.خبر ايجنسي هڪ نامعلوم ذريعن جي حوالي سان ٻڌايو ته بم ڪيفي ۾ هڪ ننڍڙي مجسمي ۾ لڪايو ويو هو، جيڪو ان وقت ڌماڪو ٿيو جڏهن مجسمو بلاگر تاتارڪي کي تحفي طور ڏنو ويو.تاتارڪي، جنهن جو اصل نالو ميڪسم فومين هو، پنهنجي بلاگ ۾ يوڪرين ۾ روس جي جنگ جي ڪوشش جي حمايت ڪئي.روسي ميڊيا جو چوڻ آهي ته تاتارڪي جا سوشل ميڊيا تي 5 لک 60 هزار کان وڌيڪ فالوورز آهن.روسي ميڊيا موجب ڌماڪي ۾ 25 ڄڻا زخمي ٿي پيا آهن، جن کي مختلف اسپتالن ۾ منتقل ڪيو ويو آهي.روسي اختيارين جو چوڻ آهي ته انهن ڌماڪي جي جاچ شروع ڪري ڇڏي آهي، پر فوري طور تي اهو واضح نه ٿي سگهيو آهي ته ان جي پويان ڪير هو.روس جي پرڏيهي وزارت حملي جو الزام ڪنهن تي نه لڳايو آهي پر ان جو چوڻ آهي ته ڌماڪي کانپوءِ مغربي گادي واري هنڌ جي خاموشي سندن منافقت کي بي نقاب ڪري ٿي.
