لاهور (ويب ڊيسڪ)پاڪستان سپر ليگ (پي ايس ايل) 10 جي 14 هين ميچ ۾، پشاور زلمي آساني سان لاهور قلندرز کي 7 وڪيٽن تان شڪست ڏئي ڇڏي. زلمي جي ڪپتان بابر اعظم هن سيزن ۾ پنهنجي پهرين اڌ سينچري اسڪور ڪري ٽيم جي فتح ۾ مرڪزي ڪردار ادا ڪيو، جڏهن ته حسين طلعت به ففٽي اسڪور ڪري ناٽ آئوٽ رهيو.پشاور زلمي لاهور قلندرز پاران ڏنل 130 رنسن جو هدف 17 هين اوور ۾ 3 وڪيٽن جي نقصان تي حاصل ڪري ورتو.زلمي جي ڪپتان بابر اعظم 56 رنسن جي ناقابل شڪست اننگز کيڏي جڏهن ته حسين طلعت 51 رنسن تي ناٽ آئوٽ رهيو. محمد حارث 20، صائم ايوب 2 ۽ ٽام ڪوهلر ڪيڊمور بنا ڪنهن رن جي پويلين موٽي ويا.لاهور قلندرز پاران شاهين آفريدي 2 ۽ حارث رئوف 1 وڪيٽ ورتي. لاهور جي قذافي اسٽيڊيم ۾ کيڏيل هن ميچ ۾ پشاور زلمي ٽاس کٽي لاهور قلندرز کي پهريان بيٽنگ جي دعوت ڏني.قلندرز جي شروعات سٺي نه هئي، انهن جي ٽيم جو اڌ حصو پاور پلي ۾ ئي پويلين ڏانهن موٽي ويو. فخر زمان 10، سام بلنگز 9، آصف علي 5، ڊيرل مچل 2 ۽ عبدالله شفيق بنا ڪنهن رنسن جي آئوٽ ٿيا.جڏهن ته، آل رائونڊر سڪندر رضا پنهنجي ٽيم کي مشڪلاتن جي ڀنڀٽ مان ڪڍڻ ۾ اهم ڪردار ادا ڪيو، 30 بالن ۾ پنهنجي اڌ سينچري مڪمل ڪئي.هن پهريان شاهين آفريدي سان هٿ ملايو، جنهن 16 رنسون ٺاهيون، پوءِ راشد حسين، جنهن 13 رنسون ٺاهيون، ۽ پوءِ حارث رئوف، جنهن 10 رنسون ٺاهيون، ٽيم جي اسڪور کي 100 کان مٿي وٺي ويا.سڪندر رضا ۽ آصف آفريدي جي وچ ۾ نائين وڪيٽ لاءِ 25 رنسن جي اهم ڀائيواري قلندرز کي 129 تائين پهچايو.
