واشنگٽن (ويب ڊيسڪ)آمريڪي صدر ڊونلڊ ٽرمپ چيو آهي ته ايندڙ هفتي غزه ۾ جنگ بندي جو معاهدو ٿي سگهي ٿو، ۽ غزه جي حوالي سان گهڻو ڪجهه ڪرڻو آهي.پرڏيهي ميڊيا موجب، آمريڪي صدر ڊونلڊ ٽرمپ چيو آهي ته غزه ڏانهن تمام گهڻي امداد موڪلي پئي وڃي.ايران بابت ڳالهائيندي، هن چيو ته ايران جو ايٽمي پروگرام مڪمل طور تي ختم ڪيو ويو آهي، پر ايران ان کي ٻيهر شروع ڪري سگهي ٿو.ٽرمپ وڌيڪ چيو آهي ته هو اسرائيلي وزيراعظم سان ايران بابت ڳالهائيندو.آمريڪي صدر وڌيڪ چيو آهي ته ايران جو ايٽمي پروگرام مڪمل طور تي ختم ڪيو ويو آهي، پر ايران پنهنجو ايٽمي پروگرام ڪٿي ٻئي هنڌ ٻيهر شروع ڪري سگهي ٿو.آمريڪي صدر چيو آهي ته ٽيرف جي معاملي تي 12 ملڪن لاءِ خط تي دستخط ڪيا ويا آهن، جيڪي سومر تي موڪليا ويندا.ٻئي طرف، فلسطيني مزاحمتي تنظيم حماس هڪ بيان ۾ چيو آهي ته هو غزه ۾ جنگ بندي لاءِ فوري طور تي ڳالهيون شروع ڪرڻ لاءِ تيار آهي.آمريڪي صدر ٽرمپ حماس جي بيان جو استقبال ڪيو آهي.ڊونلڊ ٽرمپ چيو ته هن پابندين بابت روسي صدر ولاديمير پوتن سان ڳالهايو آهي، ۽ روسي صدر پوتن پابندين بابت پريشان آهن.هن اهو به چيو ته هو چين جو دورو ڪري سگهي ٿو يا چيني صدر آمريڪا جو دورو ڪري سگهي ٿو.آمريڪي صدر اهو به چيو ته ٽڪ ٽاڪ ڊيل تمام ويجهو هو.
