لاهور: (ويب ڊيسڪ) کنڊ مافيا هڪ ڀيرو ٻيهر بي قابو ٿي وئي آهي، لاهور ۾ کنڊ جون قيمتون هڪ ڀيرو ٻيهر ماڻهن جي کيسي تي ڌڪ هڻڻ شروع ڪري ڇڏيون آهن.لاهور شهر جي ٿوڪ ۽ پرچون مارڪيٽن ۾ کنڊ جي قيمت 180 رپيا في ڪلو تائين پهچي وئي آهي، جڏهن ته انتظامي قدم اثرائتا ثابت نه ٿيا آهن.ذريعن موجب، ٿوڪ مارڪيٽ ۾ 50 ڪلو کنڊ جو ٿيلهو 8,800 رپين ۾ وڪرو ٿي رهيو آهي، جنهن جي ڪري في ڪلو قيمت 176 رپيا ٿي وڃي ٿي. شوگر ملز مان کنڊ 168 کان 169 رپيا في ڪلو جي شرح سان فراهم ڪئي پئي وڃي، پر اها گهٽتائي صارفين تائين نه پهچي رهي آهي.ڪجهه هفتا اڳ تائين، پرچون مارڪيٽ ۾ کنڊ 175 رپيا في ڪلو ۾ موجود هئي، پر هاڻي قيمت ۾ 5 رپيا واڌ ٿي چڪي آهي، ان جي باوجود، ضلعي انتظاميه پرچون دڪانن تي ڇاپا هڻڻ ۽ ريٽ لسٽ چيڪ ڪرڻ تائين محدود آهي، جڏهن ته اصل مسئلو اهو آهي ته ٿوڪ مارڪيٽ ۾ قيمتون طئي ڪرڻ تي ڪو خاص ڌيان نه ڏنو پيو وڃي.شهرين حڪومت ۽ انتظاميا کان مطالبو ڪيو آهي ته کنڊ جي قيمتن کي ڪنٽرول ڪرڻ لاءِ فوري طور تي اثرائتا قدم کنيا وڃن ته جيئن مهانگائي جي شڪار ماڻهن کي ڪجهه رليف ملي سگهي.
