اسلام اباد(بيورو رپورٽ) چيف آف ڊفينس فورسز (سي ڊي ايف) ۽ چيف آف آرمي اسٽاف (سي او اي ايس) فيلڊ مارشل عاصم منير آمريڪا جي پرڏيهي وزير مارڪو روبيو سان “عالمي ۽ علائقائي سلامتي جي صورتحال” بابت ڳالهه ٻولهه ڪئي آهي.
آءِ ايس پي آرپاران آچر تي جاري ڪيل بيان ۾ ٻڌايو ويو آهي ته عصم منير 12 کان 14 فيبروري تائين 62 هين ميونخ سيڪورٽي ڪانفرنس ۾ شرڪت ڪئي.
بيان موجب آرمي چيفامريڪي پرڏيهي سيڪريٽري مارڪو روبيو سان ملاقات ڪئي ۽ “گڏيل دلچسپيءَ وارن معاملن، جن ۾ عالمي ۽ علائقائي سلامتي ۽ دهشتگردي خلاف سهڪار شامل آهن” تي خيالن جي ڏي وٺ ڪئي۔
پنهنجي دوري دوران فيلڊ مارشل منير ڪيترن ئي ٻين اهم شخصيتن سان به ملاقاتون ڪيون۔ جن ۾ جرمني جي گهرو وزيراليگزينڊر ڊوبرنڊٽ Alexander Dobrindt، جرمني جي وفاقي چانسلر جي پرڏيهي ۽ سلامتي پاليسي بابت صلاحڪار گنتر سوتر Günter Sautter، ۽ چيف آف ڊفينس ڪارسٽنبريوئر Carsten Breuer شامل هئا۔
آءِ ايس پي آر موجب، “ملاقاتن ۾ جديد سلامتي مسئلن، ٻطرفي دفاعي سهڪار ۽ گهڻ طرفي ڳالهه ٻولهه ذريعي عالمي امن ۽ سلامتي کي هٿي ڏيڻ جي ضرورت” تي ڌيان ڏنو ويو۔
سي ڊي ايف منير برازيل جي جوائنٽ فوجي اسٽاف جي سربراهه ايڊمرل Renato Rodrigues de Aguiar Freire سان پڻ “مثبت ۽ ڪارآمد ملاقات” ڪئي، جنهن دوران ٻنهي اڳواڻن ٻطرفي فوجي سهڪار تي ڳالهه ٻولهه ڪئي۔
لبنان جي هٿياربند فوجن جي ڪمانڊر جنرل روڊولف هيڪل Rodolph Haykal پڻ فيلڊ مارشل منير سان ملاقات ڪئي۔ آءِ ايس پي آر موجب، ٻنهي اڳواڻن “عالمي ۽ علائقائي سلامتي جي صورتحال ۽ ٻطرفي دفاعي سهڪار کي وڌائڻ لاءِ قدمن” تي بحث ڪيو۔
جنوري ۾ سي ڊي ايف سوئٽزرلينڊ جو دورو ڪيو هو، جتي هن ۽ وزيراعظم شهباز شريفاڪنامڪ ورلڊ فورم جي سالياني اجلاس جي موقعي تي مارڪو روبيو ۽ ٻين عالمي اڳواڻن سان غير رسمي ملاقاتون ڪيون هيون۔
ان موقعي تي ٻنهي اڳواڻن آذربائيجان جي صدرالهام اليوف ، سعودي عرب جي پرڏيهي وزير شهزادي فيصل بن فرحان ۽ ترڪي جي پرڏيهي وزيرهاڪن فدان Hakan Fidan سان پڻ ملاقات ڪئي هئي۔
