اسلام آباد (بيورو رپورٽ) پاڪستان تحريڪ انصاف (پي ٽي آءِ) جي چيئرمين بئريسٽر گوهر بجيٽ جي معاملي کي هڪ آئيني ۽ اهم اشو قرار ڏئي ڇڏيو آهي.پي ٽي آءِ جي چيئرمين بئريسٽر گوهر پارليامينٽ هائوس ۾ ميڊيا سان گفتگو ڪندي چيو ته بجيٽ جو معاملو سياسي ناهي پر هڪ آئيني ۽ اهم اشو آهي، دفاعي بجيٽ پورو ڪرڻ وفاقي حڪومت جي ذميواري آهي، اهو ان کي پورو ڪري، وفاقي حڪومت پنهنجي ذميواري صوبن تي نه وجهي. بئريسٽر گوهر چيو ته وفاقي حڪومت گذريل 4 سالن ۾ ناڪام ٿيندي رهي آهي، حڪومت ايف بي آر (FBR) کي ناڪام ڪيو ته اهو سڌارا نه آڻي سگهيو، توهان ادارتي سڌارا نه ڪيا جنهن سان ڪاروباري طبقو به متاثر ٿيو، توهان جيتريون لون (قرض) ورتيون آهن، ملڪي تاريخ ۾ ايترو ڪنهن به قرض ناهي ورتو. بئريسٽر گوهر چيو ته ارڙهين ترميم کانپوءِ صوبن جو حصو (شيئر) کين مڪمل طور تي ملڻ گهرجي، اين ايف سي (NFC) تي جيڪو عمل توهان سڌي ريت نٿا ڪري سگهو، اهو ڪنهن ٻئي رستي تان به نٿا ڪري سگهو. پي ٽي آءِ جي چيئرمين وڌيڪ چيو ته ڪنهن به دشمن خلاف اسان جو دفاع ناڪيبل تسخير (جنهن کي شڪست نه ڏئي سگهجي) هجڻ گهرجي.
