حيدر آباد (ن س)حيدر آباد جي هڪ سرڪاري اسڪول کي دنيا جي بهترين اسڪولن جي فهرست ۾ شامل ڪيو ويو آهي.
دنيا جا بهترين اسڪول ايوارڊ عالمي تعليمي تنظيم ٽي فور ايجوڪيشن پاران منعقد ڪيا ويندا آهن. اهي ايوارڊ دنيا جي انهن اسڪولن جي حوصلا افزائي لاءِ شروع ڪيا ويا جيڪي تعليم، شاگردن جي ڀلائي ۽ سماجي ترقي ۾ اهم ڪردار ادا ڪري رهيا آهن.
ورلڊ بيسٽ اسڪول ايوارڊز کي تعليم ۾ سڀ کان وڌيڪ معزز عالمي ايوارڊن مان هڪ سمجهيو ويندو آهي، ۽ صرف چونڊيل ادارا دنيا جي اسڪولن مان هزارين درخواستن مان فائنلسٽ بڻجي ويندا آهن.
هن سال، پاڪستان مان صرف ٻن اسڪولن کي هن معزز عالمي ايوارڊ لاءِ شارٽ لسٽ ڪيو ويو، جن ۾ پنجاب جو هڪ خانگي اسڪول ۽ سنڌ جو هڪ سرڪاري اسڪول شامل آهن.
حيدرآباد، سنڌ ۾ واقع گورنمينٽ گرلز لوئر سيڪنڊري اسڪول ٽنڊي مير غلام حسين، پاڪستان لاءِ هڪ ايوارڊ کٽيو آهي، جنهن ۾ هن ورلڊز بيسٽ اسڪول ايوارڊز 2026 ۾ ڪميونٽي ڪوليبريشن ڪيٽيگري ۾ دنيا جي ٽاپ 10 فائنلسٽن ۾ جاءِ ٺاهي آهي.
تعليم واري وزير سيد سردار علي شاهه اسڪول انتظاميا، پرنسپل، استادن، شاگردن، والدين ۽ مقامي برادري کي مبارڪباد ڏني ۽ چيو ته هي ڪاميابي صرف هڪ اسڪول لاءِ نه پر سنڌ جي تعليمي نظام، سرڪاري اسڪولن ۽ سڄي پاڪستان لاءِ فخر جو باعث آهي.
