ڪراچي(اسٽاف رپورٽر)ڪراچي جي بن قاسم واري علائقي ۾ ٽن هٿياربندن هڪ دڪان جا تالا ٽوڙي 15 لک رپين کان وڌيڪ جو سامان ۽ نقدي ڦر ڪري فرار ٿي ويا.پوليس موجب بن قاسم ۾ ٽن هٿياربندن هڪ موبائيل شاپ جا تالا ٽوڙي 45 لک رپيا نقدي ۽ 7 قيمتي نوان سمارٽ فون ڦر ڪري ورتا، جڏهن ته جوابدار 8 سادا موبائيل فون پڻ ڦري ويا.پوليس جو چوڻ آهي ته ٽنهي جوابدارن واقعي کان اڳ موبائيل شاپ ڀرسان هوٽل جي مالڪ کي بندوق جي زور تي يرغمال بڻائي ورتو ۽ پوءِ تيز ڪٽر جي مدد سان تالا ڪٽي ڇڏيا ۽ فرار ٿي ويا.پوليس جو چوڻ آهي ته سي سي ٽي وي موجب جوابدار هڪ ئي موٽر سائيڪل تي سوار هئا ۽ انهن پنهنجي سڃاڻپ لڪائڻ لاءِ منهن تي ڪپڙو پاتل هو.پوليس موجب بن قاسم ٿاڻي تي موبائل شاپ جي مالڪ بخت رحمان جي فرياد تي ڪيس داخل ڪيو ويو آهي.
