اسلام آباد (بيورو رپورٽ) بلوچستان جي علائقي بارکان ۾ زلزلي جا لوڏا محسوس ڪيا ويا، ريڪٽر اسڪيل تي شدت 4.5 رڪارڊ ڪئي وئي. زلزلو ماپيندڙ مرڪز مطابق زلزلو ڇنڇر جي صبح بلوچستان جي علائقي بارکان ۾ آيو، جنهن جي اونهائي 25 ڪلوميٽر هئي. بلوچستان جي علائقي زوب کان 110 ڪلوميٽر ڏکڻ اوڀر ۾ 4.5 شدت جو زلزلو آيو. زلزلي جا لوڏا سڄي علائقي ۾ محسوس ڪيا ويا، جنهن سان مقامي رهائيشين ۾ شديد خوف پکڙجي ويو. زلزلي کانپوءِ ماڻهو پنهنجي گهرن کان ٻاهر نڪري آيا. زلزلي کانپوءِ فوري طور تي ڪنهن به وڏي تباهي يا جاني نقصان جو اطلاع ناهي مليو.
