ڪوئيٽا(ويب ڊيسڪ) بلوچستان کان اندروني علائقن تائين ٽرين سروس بحال ڪئي وئي آهي.ريلوي کاتي بلوچستان کان اندروني علائقن تائين ٽرين سروس 2 ڏينهن تائين معطل رهڻ کان پوءِ بحال ڪري ڇڏي آهي.ريلوي عملدارن موجب، ريلوي کاتي 18 ۽ 19 مئي تي بلوچستان کان ٽرين سروس ناگزير سببن جي ڪري معطل ڪئي هئي.آفيسرن جو چوڻ آهي ته ڪوئيٽا کان پشاور تائين جعفر ايڪسپريس 2 ڏينهن لاءِ منسوخ ڪئي وئي هئي ۽ پشاور کان ڪوئيٽا تائين جعفر ايڪسپريس 2 ڏينهن لاءِ جيڪب آباد تائين محدود هئي.ريلوي عملدارن موجب، اربع تي اندروني علائقن لاءِ ٽرين سروس بحال ٿيڻ کان پوءِ، جعفر ايڪسپريس اڄ صبح 9 وڳي پنهنجي مقرر وقت تي ڪوئيٽا کان پشاور لاءِ نڪرندي.پشاور کان جعفر ايڪسپريس پڻ اربع ڏينهن منجهند ڪوئيٽا پهچندي.
