ميلبورن (ويب ڊيسڪ)آسٽريليا ايشيز سيريز جي پهرين ٽيسٽ ميچ لاءِ 15 رڪني اسڪواڊ جو اعلان ڪري ڇڏيو آهي. آسٽريليا ۽ انگلينڊ جي وچ ۾ ايشيز سيريز جو پهريون ٽيسٽ 21 نومبر تي پرٿ ۾ شروع ٿيندو.پيٽ ڪمنز جي غير موجودگي ۾ اسٽيو سمٿ ٽيم جي اڳواڻي ڪندو، ڪپتان پيٽ ڪمنز اڃا تائين پٺي جي تڪليف مان صحتياب نه ٿيو آهي.پهرين ٽيسٽ ميچ لاءِ ٽيم ۾ شين ايبٽ، اسڪاٽ بولنڊ، ايليڪس ڪيري ۽ برينڊن ڊوگيٽ شامل آهن. ڪيمرون گرين، جوش هيزل ووڊ، ٽريوس هيڊ ۽ جوش انگلس پڻ اسڪواڊ جو حصو آهن.عثمان خواجه، مارنس لابوشگن، نيٿن ليون، مچل اسٽارڪ، جيڪ ويدرالڊ ۽ بيو ويبسٽر پڻ پهرين ٽيسٽ ميچ لاءِ ٽيم ۾ شامل آهن.
