راولپنڊي: (ويب ڊيسڪ) پاڪستاني فوج جي پبلڪ رليشنز ڊپارٽمينٽ چيو آهي ته سيڪيورٽي فورسز 7 آڪٽوبر تي اورڪزئي ضلعي ۾ پيش آيل افسوسناڪ واقعي ۾ ملوث سڀني 30 خارجي دهشتگردن کي ماري ڇڏيو آهي، آءِ ايس پي آر موجب، سيڪيورٽي فورسز 7 آڪٽوبر تي اورڪزئي ضلعي ۾ پيش آيل افسوسناڪ واقعي ۾ ملوث دهشتگردن خلاف جوابي ڪارروائي جاري رکي آهي، جنهن ۾ ليفٽيننٽ ڪرنل جنيد طارق ۽ ميجر طيب راحت سميت ڪيترائي فوجي شهيد ٿيا هئا.پاڪستاني فوج جي پبلڪ رليشنز ڊپارٽمينٽ چيو ته قابل اعتماد انٽيليجنس معلومات جي بنياد تي اورڪزئي ضلعي جي جمال مايا علائقي ۾ هڪ آپريشن دوران فائرنگ جي تبادلي کانپوءِ دهشتگرد حملي ۾ ملوث سڀئي 30 هندستاني حامي خارجي دهشتگرد مارجي ويا، اهو پڻ چيو ويو ته اهي ڪامياب آپريشن هن بڇڙي ڪارروائي جو بدلو آهن ۽ دهشتگردي ۾ ملوث مرڪزي عنصرن کي انصاف جي ڪٽهڙي ۾ آندو ويو آهي، ۽ ڪنهن به وڌيڪ هندستاني حامي خارجي کي ختم ڪرڻ لاءِ علائقي ۾ ڪليئرنس آپريشن جاري آهي.آءِ ايس پي آر چيو ته سيڪيورٽي فورسز پاڪستان مان هندستاني سرپرستي واري دهشتگردي کي مڪمل طور تي ختم ڪرڻ لاءِ پرعزم ۽ ثابت قدم آهن.
