اسلام آباد(بيورو رپورٽ)چيف اليڪشن ڪمشنر سڪندر سلطان راجا چونڊن جي تاريخن جي اعلان جي معاملي تي اليڪشن ايڪٽ ۾ ترميم جي تجويز ڏني.چيف اليڪشن ڪمشنر طرفان اليڪشن ايڪٽ ۾ ترميم بابت سينيٽ چيئرمين صادق سنجراڻي ۽ قومي اسيمبلي جي اسپيڪر راجا پرويز اشرف کي خط لکيو ويو آهي.خط ۾ چيف اليڪشن ڪمشنر اليڪشن ايڪٽ جي سيڪشن 57-1 ۽ 58 ۾ ترميم جي تجويز ڏني ۽ چيو ته ترميمن کي منظوري لاءِ پارليامينٽ آڏو رکيو وڃي.سڪندر سلطان راجا آرٽيڪل 57 ۾ ترميم جي تجويز پيش ڪئي آهي ته اليڪشن ڪميشن عام چونڊن جي تاريخ يا تاريخ جو اعلان ڪري.ترميم تحت اليڪشن ڪميشن تڪبندين کي نمائندن جي چونڊ لاءِ چوندو. تجويز ڏني وئي آهي ته اليڪشن ڪميشن چونڊن جي نوٽيفڪيشن کانپوءِ چونڊ پروگرام ۾ تبديلي ڪري سگهي ٿي.تجويز ڪيل ترميم موجب اليڪشن ڪميشن پولنگ جي نئين تاريخ سان گڏ نئون چونڊ پروگرام به جاري ڪري سگهندي.خط ۾ چيو ويو آهي ته پنجاب ۽ خيبرپختونخواهه اسيمبليءَ جي چونڊ ڪرائڻ تي تڪرار پيدا ٿيو، عدليه آرٽيڪل 224/2 جي تشريح ۾ چيو آهي ته 90 ڏينهن اندر چونڊون ڪرائڻ آئيني طور ضروري آهي.
