مظفر ڳڙهه (ويب ڊيسڪ)علي پور ۾ تيز ڌار اوزار سان زال ۽ 7 ٻارن کي قتل ڪندڙ وحشي شخص کي پوليس قتل جي اوزار سميت گرفتار ڪري ورتو آهي.گذريل ڏينهن علي پور جي علائقي مڏوالا ۾ سجاد کوکر نالي شخص گهريلو اڻبڻت سبب پنهنجي زال ۽ 7 ٻارن کي قتل ڪري ڇڏيو هو، فوت ٿيل ٻارڙن جي عمر 6 مهينن کان 8 سالن جي وچ ۾ آهي. پوليس جو چوڻ آهي ته مارجي ويل 8 ڄڻن جي جنازي نماز ادا ڪئي وئي ۽ سندن تدفين به ڪئي وئي آهي. ڊي پي او جو چوڻ آهي ته جوابدار جي ذهني حالت ٺيڪ نه آهي، هن اقرار ڪيو آهي ته روز گهر ۾ زال سان جهيڙو ٿيندو هو تنگ اچي کين قتل ڪيم. جوابدار درزڪو ڪم ڪندو آهي ۽ ٽنگ کان به معذور آهي.
