لاهور (ويب ڊيسڪ)لاهور هاءِ ڪورٽ جي چيف جسٽس ملڪ شهزاد احمد خان چيو آهي ته ڪنهن به جج کي دٻاءُ ۾ نه اچڻ گهرجي. پنجاب جوڊيشل اڪيڊمي ۾ تقريب کي خطاب ڪندي هن چيو ته پنجاب ۾ 14 لک ڪيس آهن، ججن جي کوٽ آهي، هڙتالن سبب ماڻهو پنهنجا حق وڃائي ويٺا آهن، مان سمجهان ٿو ته 90 سيڪڙو وڪيل سٺا ماڻهو آهن.لاهور هاءِ ڪورٽ جي چيف جسٽس چيو ته ڪنهن به جج کي دٻاءُ ۾ نه اچڻ گهرجي، مون سميت هر جج جي دل ۾ وڪيل جي عزت آهي.هن چيو ته موجوده چيف جسٽس آف پاڪستان جسٽس قاضي عيسيٰ صاحب جو فرزند آهي، جيڪو پاڪستان جي باني ۾ شامل هو، سندس دل ۾ هن قوم جو درد آهي، هن پنهنجي هڪ فيصلي ۾ چيو آهي ته جڏهن وڪيل ڪنهن ڪيس ۾ فيس وٺي ٿو، ان جو فرض آهي ته عدالت ۾ پيش ٿئي.هن وڌيڪ چيو ته نظام جي بهتري لاءِ اسان سڀني کي گڏجي ڪم ڪرڻو پوندو، هڙتال ڪلچر جو خاتمو آندو ويندو.
