پشاور(ويب ڊيسڪ)پاڪستان تحريڪ انصاف جي اڳواڻ ۽ پنجاب جي وڏي وزير جي نامزد اميدوار ميان اسلم اقبال چيو آهي ته اسان جي ڪامياب اميدوارن جو نوٽيفڪيشن جاري ڪيو وڃي.پشاور ۾ ميڊيا سان ڳالهائيندي هن چيو ته منهنجي ڪا به فوٽيج ناهي، منهنجي خلاف ڪيترائي ڪيس داخل ڪيا ويا آهن، پشاور هاءِ ڪورٽ جو شڪر گذار آهيان ته مون کي ضمانت ملي.اسلم اقبال چيو ته 9 مئي جي واقعن ۾ منهنجي ملوث هجڻ جي وڊيو يا فوٽيج ڏيکاريو.پنجاب جي نامزد وڏي وزير چيو ته منهنجي مٿان فائرنگ ڪري قتل جا الزام لڳايا ويا آهن، انصاف جي بالادستي ٿيڻ گهرجي.هن مسلم ليگ (ن) ۽ پيپلز پارٽي تي تنقيد ڪندي چيو ته اليڪشن کان اڳ اهي هڪ ٻئي خلاف هوندا آهن ۽ اليڪشن کانپوءِ هڪ ٿي ويندا آهن، هن چيو ته گذريل رات هنن جا فارم ڏٺم،هن چيو ته پي ڊي ايم 2 اچي رهي آهي، ڪوشش ٿي چڪي آهي، ميٽرو بنادي، ميٽرو آهي چاڙهي، ماڻهن وٽ روٽي جا پئسا ناهن.اسلم اقبال الزام هنيو ته هن فارم 45 سان فارم 47 تبديل ڪيو، 16 مهينن ۾ سڀ ڪجهه تباهه ڪري ڇڏيو، هاڻي ٻيو ڇا ڪجي، انشاءَ الله موقعو مليو ته سڀ ڳالهيون ايوان آڏو آڻيندس.اسلم اقبال چيو ته آزاد اميدوارن کي چيو پيو وڃي ته هو اسان سان گڏ اچن ته اطلاع ڏنو ويندو.اسلم اقبال چيو ته اسان جي ڪامياب اميدوارن جا نوٽيفڪيشن جاري ڪيا وڃن، جيڪڏهن اسان ڪارڪردگي ڏيکارينداسين ته ماڻهو ووٽ ڏيندا، ٻي صورت ۾ ووٽ نه ڏيندا.
