راولپنڊي: (ويب ڊيسڪ) خيبرپختونخواهه جي وڏي وزير سهيل آفريدي چيو آهي ته سمورا اسيمبلي ميمبر ۽ اڳواڻ اڄ رات جي تياري ڪري وٺن، 10 وڳي سموري پاڪستان جي هر چوڪ کي ڊي چوڪ بنائينداسين، سمورا ڪارڪن رات 10 وڳي پاڪستان ۽ پي ٽي آءِ جا جهنڊا کڻي چوڪ ۽ چوراهن ۾ نڪري اچن.رپورٽ موجب وڏي وزير سهيل آفريدي پي ٽي آءِ باني عمران خان سان ملڻ جي لاءِ اڊياله روڊ پهتو، راولپنڊي پوليس اڊياله روڊ تي رکيل رڪاوٽون هٽائي ڇڏيون.فيڪٽري ناڪي تي ڪي پي ڪي جي وڏي وزير سهيل آفريدي ايس ايڇ او صدر بيروني کان پڇيو ته ڪهڙو پيغام کڻي آيا آهيو، وڏي وزير سادن ڪپڙن ۾ موجود هڪ شخص جي موجودگي تي پڇيو ته اوهان به ايس ايڇ او آهيو، هي به آهي؟ هن ساده ڪپڙا پاتل شخص کان پڇو ته اوهان برگيڊيئر آهيو، ڪرنل آهيو يا ميجر آهيو؟ جنهن تي ساده ڪپڙا پاتل شخص جواب ڏنو ته مان صحافي آهيان.هڪ صحافي پڇيو ته ملاقات جو چانس نظر نه پيو اچي، پوليس جو جواب به ناهي آيو، اوهان ويهندو يا واپس ويندو؟ انهي تي وڏي وزير چيو ته ملاقات جو جيستائين وقت آهي انتظار ڪنداسين، انهي کان پوءِ سمورن ايم پي ايز، پارليامينٽريز ۽ عهديدارن کي چيو آهي ته 10 وڳي تياري ڪري وٺن، 10 وڳي سموري پاڪستان جي هر چوڪ کي ڊي چوڪ بنائينداسين، سمورا ڪارڪن رات 10 وڳي پاڪستان ۽ پي ٽي آءِ جا جهنڊا کڻي هر چوڪ ۽ چوراهن ۾ نڪري اچن.هڪ صحافي طرفان پڇيو ويو ته اوهان 10 هزار ماڻهو به جمع نٿا ڪري سگهو، 2 لک ماڻهن جو چئي ڇڏيو؟ جنهن تي وڏي وزير چيو ته اوهان ڪير آهيو؟ ڪهڙي چينل سان آهيو؟ سامهون اچو، صحافي چيو مان ڊيجيٽل ميڊيا سان آهيان جنهن تي وڏي وزير چيو ته مان اوهان کي جواب نٿو ڏيان.وڏي وزير چيو ته 2022ع کان باني ۽ انهي جي پارٽي سان ناروا سلوڪ رکيو ويو، رويو غلط آهي، سموري پاڪستان کي ضد ۽ انا ۾ تباهي طرف آندو پيو وڃي. نظام تباهه ٿي چڪو آهي، هن نظام کي آڻيندڙ انهي تباهي جا ذميوار آهن، ڪارڪنن کي هدايت آهي ته اهي پنهنجو فوڪس 27 سيپٽمبر جي مارچ تي رکن.هن چيو ته 27 سيپٽمبر جو سڏ هنن جي لاءِ ڊيڄاريندڙ خواب بڻجي چڪو آهي. گذريل ڏينهن خيبر ۾ عوام جو سمنڊ نڪتو، ٻين ضلعن ۾ به وينداسين، اسان چيو آهي ته 27 سيپٽمبر تي 20 لک ماڻهو اسلام آباد آڻينداسين انهي کان وڌيڪ آڻينداسين، جيڪڏهن هي حالتون صحيح ڪرڻ چاهين ٿا ته 28 سيپٽمبر کان اڳ اسان جي ملاقات ڪرائي وڃي. وڏي وزير وڌيڪ چيو ته ٻيون سياسي پارٽيون ملڪ سان سچيون نه آهن.
