ملتان (ويب ڊيسڪ)جمعيت علماءِ اسلام (جي يو آءِ) جي سربراهه مولانا فضل الرحمان جو چوڻ آهي ته اهي اسان کي ڌمڪيون ڏئي رهيا آهن ته اهي اسان کي فورٿ شيڊول ۾ وجهي ڇڏيندا، ڌوڙ پائي اوھان جو فورٿ شيڊيول ، مدرسن جي رجسٽريشن لاءِ قانون ٺاهيو ويو آهي، ملتان ۾ علماءِ ڪنوينشن کي خطاب ڪندي فضل الرحمان چيو ته پاڪستان اسلام جي نالي تي قائم ٿيو، برصغير جي لکين مسلمانن پاڪستان لاءِ قربانيون ڏنيون، مدرسن جو ڪردار ختم ڪيو پيو وڃي،فضل الرحمان چيو ته اسان کي قومي دائري ۾ اچڻ لاءِ چيو پيو وڃي، اهي چون ٿا ته اسان عالمن کي 25 هزار رپيا ڏيڻ چاهيون ٿا، اسان عالمن جي مدد ڪرڻ چاهيون ٿا، اسان ملا جي ضمير کي ڪهڙي قيمت تي خريد ڪرڻ چاهيون ٿا، جي يو آءِ جي سربراهه چيو ته اهي چون ٿا ته سعودي عرب، يو اي اي ۾ اهو ٿي رهيو آهي پوءِ ساڳيو نظام آندو وڃي، انهن افغانستان، عراق کي تباهه ڪيو ۽ پوءِ چون ٿا ته اهي امن لاءِ آيا آهن،فضل الرحمان چيو ته جڏهن ٻوڏ آئي ته ان وقت حڪومت ڪٿي هئي؟ اهي غريب ماڻهو ميدان ۾ نظر اچن ٿا، تنهنڪري حڪومت ڪرڻ انهن جو حق آهي، توهان جو نه. پٺتي پيل طبقن کي ترقي ڏيو، انهن جو خيال رکو، ۽ ماڻهن ۾ شعور پيدا ڪريو.
