لاهور() پاڪستان سپر ليگ ۾ شامل رانديگرن کي 2 ڏينهن جو آرام جو موقعو ملي ويو آهي، جڏهن ته سومر کان شيخ زيد اسٽيڊيم ابوظهبي ۾ ميچز ٿينديون. پي ايس ايل فور جي شروعاتي مرحلي ۾ دبئي انٽرنيشنل ڪرڪيٽ اسٽيڊيم ۾ 7 ميچز کيڏيون ويون، جنهن کانپوءِ شارجا ۾ 8 مقابلا ٿيا، هڪ ڀيرو ٻيهر دبئي ۾ ميدان لڳو ۽ 7 ميچز جو رائونڊ مڪمل ٿي ويو. 2 ڏينهن آرام کانپوءِ سومر تي ابوظهبي ۾ ميچز ٿينديون، جتي پهرين ڏينهن پشاور زلمي ۽ ڪوئيٽا گليڊي ايٽرز، جڏهن ته ڪراچي ڪنگز ۽ ملتان سلطانز ٽيمون آمهون سامهون ٿينديون. ڪراچي ۽ لاهور ۾ رٿيل ميچز لاءِ تياريون مڪمل ڪيون ويون آهن، جڏهن ته دبئي مرحلو مڪمل ٿيڻ کانپوءِ عالمي رانديگر پنهنجي ملڪن ڏانهن به روانا ٿي رهيا آهن، جيڪي آرام بعد پاڪستان ايندا.
تازيون خبرون
مشهور خبرون
