ڪراچي(اسٽاف رپورٽر) اسٽيٽ بئنڪ آف پاڪستان هڪ ڀيرو ٻيهر شرح سود 22 سيڪڙو برقرار رکڻ جو اعلان ڪري ڇڏيو آهي.اسٽيٽ بئنڪ جي بيان موجب مانيٽري پاليسي ڪميٽي جي اجلاس ۾ وياج جي شرح برقرار رکڻ جو فيصلو ڪيو ويو آهي.اسٽيٽ بئنڪ موجب هلندڙ مالي سال معاشي ترقي 2 کان 3 سيڪڙو رهندي، معاشي ترقي ۾ زرعي شعبي جي ڪارڪردگي اهم آهي.مرڪزي بئنڪ جو چوڻ آهي ته مهانگائي جي شرح توقع موجب هيٺ اچڻ شروع ٿي وئي آهي، سيپٽمبر 2025 تائين مهانگائي کي 5 کان 7 سيڪڙو تائين آڻڻ لاءِ موجوده پاليسي جو تسلسل ضروري آهي، جڏهن ته فيبروري ۾ مهانگائي جي شرح 23.1 سيڪڙو رهي.
