هٿياربندن جي فائرنگ ۾ پيرڳوٺ واسي پوليس اهلڪار قتل

خيرپور (محمد علي جانوري) بي سيڪشن ٿاڻي جي حد پوليس ٽريننگ سينٽر مان امتحان ڏيئي واپس پنهنجي ڳوٺ ويندڙ پوليس اهلڪار عطا محمد ڀٽو کي موٽرسائيڪل سوار ٻن هٿياربندن ٽي ٽي پسٽل جا فائر ڪري شهيد ڪرڻ بعد فرار ٿي ويا. اطلاع تي پوليس خيرپور شهر سميت مختلف علائقن ۾ ناڪه بندي ڪري ڏني مگر هٿياربند اڻ سڃاتل هنڌ فرار ٿي ويا. ان سلسلي ۾ ذريعن کان معلوم ٿيو آهي ته پوليس اهلڪار عطا محمد ڀٽو ڳوٺ فيض محمد ٻنڊو تعلقه ڪنگري جو رهواسي هيو ۽ اڄ صبح پوليس جي ٽريننگ جو امتحان ڏيڻ لاءِ پوليس ٽريننگ سينٽر تي ويو هيو جيڪو امتحان ڏيڻ بعد فارغ ٿي واپس ڳوٺ وڃي رهيو هيو ته ڳوٺ صدورو جانوري ڀرسان لنڪ روڊ تي تاڙ ۾ ويٺل ٻن جوابدارن کيس ٽارگيٽ ڪري ٽي ٽي پسٽل جا فائر ڪري شهيد ڪري ڇڏيو ۽ پاڻ فرار ٿي ويا. بي سيڪشن ٿاڻي جي پوليس، پوليس اهلڪار جو لاش سول اسپتال خيرپور مان پوسٽ مارٽم بعد وارثن حوالي ڪري ڇڏيو آهي. جڏهن ته آخري اطلاع تائين ڪوبه ڪيس وغيره داخل ٿي نه سگهيو هيو. پوليس طرفان شهر جي مڙني رستن تي ناڪه بندي ڪرائي ويئي مگر جوابدار فرار ٿي وڃڻ ۾ ڪامياب ٿي ويا آهن.

کیٹاگری میں : سنڌ

پهنجو تبصرو موڪليو