نيپرا پاران بجلي 44 پئسا في يونٽ سستي ڪرڻ جو اعلان

اسلام آباد (رپورٽ الله وسايو گهوٽو)  نيشنل پاور ڪنسٽرڪشن ڪارپوريشن(اين پي سي سي) بجلي جي قيمت ۾ 44 پئسا في يونٽ گهٽتائي جي منظوري ڏئي ڇڏي آهي.سي پي پي اي 86 پئسا في يونٽ گهٽ ڪرڻ جي درخواست ڏني هئي. اڳوڻا بقاياجات ڪليئر ڪرائڻ سبب صارفين کي وڌيڪ 44 پئسا ريليف نه ملي سگهيو. اختيارين جو چوڻ آهي ته ايل اين جي جي کوٽ سبب 6 ڪروڙ 55 لک جو وزن پوندو. نيپرا اختيارين جو چوڻ آهي ته ايل اين جي جا الزام هئا پر ان کي استعمال ۾ نه آندو ويو. بهتر صلاحيت وارا پلانٽس گهٽ هلائڻ سبب 14 ڪروڙ 93 لک جو اضافي وزن پيو. اين پي سي سي جو چوڻ آهي ته سوئي نادرن وڌيڪ ديمانڊ وقت سپلائي گهٽ ڪري ڇڏيندي آهي جنهن وقت ڊمانڊ گهٽ هوندي آهي.سوئي نادرن سپلائي گهٽ ڪري ڇڏيندي آهي. سسٽم ايڪسل شيٽ تي نه هلندو آهي. سسٽم جون زمينون حقيقتون هونديون آهن. ائين ممڪن نه آهي ته هڪ پلانٽ کي 100 سيڪڙو صلاحيت تي هلائي ٻيو پلانٽ هلايون. نيپرا سي پي پي اي کي 4 ارب 47 ڪروڙ روپين واپس ڪرڻ جو فيصلو به ڪيو آهي. سي پي پي اي جي ورڪنگ بهتر ڪرائڻ جي لاءِ اسپيشلائز آڊٽ ڪرائڻ جي تجويز به ڏني وئي آهي. نيپرا چيئرمين چيو ته جنهن فيڊر تي نقصان وڌيڪ آهن اتي لوڊشيڊنگ ڪندا آهيون.اسان لکيو آهي ته لوڊشيڊنگ نه ڪريو پر حڪومت کي ائين ڪرڻو پوندو آهي. ياد رهي ته 7 مئي تي نيپرا مارچ جي ماهوار فيول چارجز ايڊجسٽمينٽ جي مد ۾ 64 پئسا في يونٽ گهٽتائي جي منظوري ڏني هئي ۽ چيو ته گهٽٽائي صرف مئي جي مهيني وارن بلن تي هوندي.

پهنجو تبصرو موڪليو