لاهور(ويب ڊيسڪ)پاڪستاني اداڪار ياسر حسين مارننگ شو جي ميزبان ندا ياسر جي تازي وائرل ٿيل ڪلپ تي تبصرو ڪيو آهي.ڪجهه ڏينهن اڳ راولپنڊي ايڪسپريس شعيب اختر جي پروگرام جي هڪ ڪلپ ڊجيٽل پليٽ فارم اردو فلڪس تي وائرل ٿي هئي، جنهن ۾ پاڪستان جي ٻن معروف مارننگ شو ميزبانن ندا ياسر ۽ شائستہ لوڌي مهمان طور شرڪت ڪئي هئي.شعيب اختر ندا کان پاڪستان جي ورلڊ ڪپ کٽڻ بابت سوال پڇيو، جنهن تي هوءَ ڇرڪ نڪري وئي.ان ئي وائرل ڪلپ تي جتي سوشل ميڊيا صارفين ندا ياسر تي تنقيد ڪئي ۽ ميمز ٺاهيا، اتي ياسر حسين به تبصرا ڪيا، جنهن مان اهو واضح ناهي ٿيو ته ياسر ندا جو مذاق اڏائي رهيو آهي يا سندس حمايت ڪري رهيو آهي.ياسر حسين انسٽاگرام تي ڪهاڻي پوسٽ ڪندي لکيو ته ”جيڪڏهن ڪو صبح جو 2 ڪلاڪ لائيو شو ڪندو ته ان جو دماغ به ساڳيو هوندو“.هن ڪهاڻي ۾ ندا جو ذڪر ڪندي چيو ته ”منهنجو خيال آهي ته ندا پياري آهي ۽ منهنجو خيال آهي ته هن کي سي ايس ايس (مقابلي) جو امتحان ڏيڻ گهرجي.
