ڪراچي (ويب ڊيسڪ) ارجنٽيا ۽ بارسلونا جي عالمي شهرت يافه سپر اسٽار ليونل ميسي ڪيريئر ۾ ڇهون ڀيرون سال جي بهترين فٽبالر جو ايوارڊ بيلن ڊي جو اعزاز حاصل ڪري ورتو آهي. 32 سالا فٽبالر کي فرانس جي دارالحڪومت پيرس جي چيٽيليٽ ٿيٽر ۾ منعقد تقريب ۾ ايوارڊ سان نوازيو ويو. جڏهن ته آمريڪا جي ورلڊ ڪپ سپر اسٽار ميگن ريپي نوني ويمن فٽبال جو بيلن ڊي کٽڻ جو اعزاز حاصل ڪيو. ميسي 2015 کان پوءِ پهريون ڀيرو بيلن ڊي ٻيو کٽيو آهي ۽ پنهنجي روايتي حريف ڪرسٽيانو رونالڊو تي برتري حاصل ڪري ورتي آهي جيڪي هن مهل تائين پنج بيلن ڊي کٽي چڪو آهي. فٽبال جي سڀ کان وڏو ايوارڊ تصور ڪيو ويندڙ بيلن ڊي ۽ ان جو انعقاد هڪ فرانسيسي ميگزين ڪندو آهي جنهن ۾ سڄي دنيا جا صحافي بهترين فٽبالر جي ايوارڊ لاءِ ووٽ ڪندا آهن. ان ايوارڊ لاءِ ميسي جو مقابلو ليورپول جي ڪپتان وين دجڪ ۽ ڪرسٽيانو رونالڊو سان هيو جنهن ۾ ميسي ايوارڊ کٽڻ ۾ ڪاميابي ملي جڏهن ته سڄي سيزن ۾ عمده ڪارڪردگي ڏيکاريندڙ ليور پول اسٽار ٻئي ۽ رونالڊو ٽئين نمبر تي رهيو. ليونل ميسي گذريل هڪ سال کان مسلسل سٺي ڪارڪردگي جو مظاهرو ڪري رهيو آهي جنهن هن مهل تائين سال 2019 ۾ کيڏيل 54 ميچن ۾ 46 گول اسڪور ڪري چڪو آهي جڏهن ته لاليگا جي 34 ميچن مان 36 گول اسڪور ڪري هن گذريل سيزن ۾ بار سلونا کي چيمپئن بڻائڻ ۾ مرڪزي ڪردار ادا ڪيو هو. ايوارڊ کٽڻ کان پوءِ ڳالهائيندي ميسي چيو ته اڄ کان 10 سال پهرين پيرس ۾ پنهنجو پهريون بيلن ڊي کٽيو هو ۽ مون کي اڄ به ياد آهي ته مان 22 سالن جي عمر ۾ پنهنجي ٽن ڀائرن سان گڏ هتي آيو هيس. هن چيو ته مان ڪجهه سال وڌيڪ فٽبال کيڏي سگهان ٿو مان ڄاڻان ٿو ته منهنجي عمر وڌي رهي آهي ۽ مان ان لمحن کان وڌيڪ زياده لطف اندوز ٿيڻ چاهيان ٿو ڇاڪاڻ ته منهنجي ريٽائرمينٽ جا ڏينهن ويجها اچي رهيا آهن. ياد رهي ته 2008 کان 2017 تائين لڳاتار 10 سالن تائين اهو ايوارڊ ليونل ميسي ۽ ڪرسٽيانو رونالڊو وچ ۾ تقسيم ٿيندو رهيو آهي ۽ ٻنهي ان عرصي ۾ پنج پنج ڀيرا اهو ايوارڊ حاصل ڪيو آهي پر گذريل سال ڪروشيا جي لوڪا موڊرچ ان جو خاتمو ڪري ايوارڊ پنهنجي نالي ڪيو هو.
خط مامرو: هاءِ ڪورٽ جي سڀني ججن کان تجويزون طلب
جاپاني شهرين جي گاڏي لڳ ڌماڪو 2 فوت ۽ 2 زخمي
عالمي واٽر سمٽ ۾ گورننس کي بهتر ڪرڻ تي زور
ٽي ايل پي بابت رپورٽ صوبائي حڪومت سان شيئر نه ڪئي وئي
پشاور ۽ بلوچستان جي چيف جسٽسز جي نالن جي منظوري
دهشتگردن سان ڳالهيون نه ٿينديون، تارڙ جو پاليسي بيان
آءِ ايم ايف پاران مختصر مدي وارو پروگرام وٺڻ جي صلاح
بلوچستان جي 14 رڪني ڪابينا حلف کڻي ورتو
ڪينيا جو آرمي چيف ڏهه آفيسر سميت اجل جو شڪار
خصوصي سيٽن وارن ميمبرن کان حلف وٺڻ جو حڪم
حدبندي جو تڪرار ، پينو فقير عدالت پهچي ويا
ٽڪ ٽاڪ پاران نئين ايپ متعارف
ايران تي اسرائيلي جارحيت، صورتحال جو جائزو وٺون پيا، ترجمان
جمشيد دستي ۽ اقبال احمد خان تي اجلاس ۾ شرڪت تي پابندي
مبينا جاسوسي جي جوابدار جي ضمانت واري درخواست رد
دهشتگردي جي مڪمل خاتمي تائين سڪون سان نه ويهنداسين
دنيا جي سڀ کان وڏي چونڊ، ڀارت ۾ ووٽنگ شروع
انٽر بئنڪ ۾ ڊالر 278 رپيا 50 پئسا ٿي ويو
ٽرانسپورٽ جو ڀڳل ٽٽل نظام
ڌاڙيلن خلاف جديد ٽيڪنالاجي سان گڏيل آپريشن جو فيصلو