ڪراچي (اسٽاف رپورٽر) موسميات کاتي خبردار ڪيو آهي ته چوماسي جي هلندڙ مند جو ٽيون ڦيرو اچڻ وارو آهي ۽ 24 جولاءِ تي گهٽ دٻاءَ جو سلسلو ڀارتي گجرات ۾ داخل ٿيندو. جنهن بعد رڻ ڪڇ مان پوين ٻن ڦيرن جيان هن ڀيري به ٽيون برساتي سلسلو 26 ۽ 27 جولاءِ تي سنڌ جي سامونڊي پٽي تي پهڇندو. تيز کنوڻ سان گڏ بارش ۽ طوفان ڪراچي ۾ داخل ٿيندا. موسميت کاتي جي سربراهه سرادر سرفراز موجب پوين ٻن مرحلن دوران 63.6 ملي ميٽر وڌ ۾ وڌ بارش ڪراچي ۾ رڪارڊ ٿي هئي. ياد رهي ته 7 ۽ 18 جولاءِ جي برساتن دوران ڪراچي ۾ هڪ پوليس اهلڪار سميت 8 ڄڻا فوت ٿي ويا هئا ۽ اڪثر علائقن ۾ گاڏيون ترندي نظر پئي آيون.
