برطانوي وزير داخلا سان ملاقات،امريڪي هم منصب کي فون

لنڊن( ڊيسڪ رپورٽ) پاڪستان جي وزير خارجا شاهه محمود قريشي جي برطانوي وزير داخلا سان ملاقات ۽ امريڪي هم منصب مائيڪ پومپيو سان فون تي ڳالهه ٻولهه، خطي جي امن ۽ سلامتي، دهشتگردي جي روڪٿام، افغانستان امن ڳالهين ۽ ٻطرفن لاڳاپن بابت ڳالهه ٻولهه ڪئي. لنڊن ۾ پاڪستان هاءِ ڪميشن مان جاري ڪيل بيان موجب قريشي امريڪي هم منصب کي فون تي پاڪستان سرڪار پاران فنانشل ايڪشن ٽاسڪ فورس جي ضرورتن موجب ورتل اپائن کان آگاهه ڪيو ۽ شدت پسندن جي مالي معاونت روڪڻ بابت نيشنل ايڪشن پلان تي عملدرآمد بابت ۽ پاڪستان م معاشي سڌارن بابت آگاهه ڪيو. هن کيس افغان امن پروسس بابت پڻ آگاهه ڪيو ۽ ٻنهي ملڪن ۾ تعاون جاري رکڻ بابت خواهش جو اظهارڪيو. ان کان اڳ هن پاڪستاني نزاد برطانوي وزير داخلا ساجد جاويد سان ملاقات ڪئي جنهن ۾ ٻطرفن لاڳاپن کي بهتر ڪرڻ، مني لانڊرنگ، غيرقانوني لڏ پلاڻ ۽ نيشنل ايڪشن پلان تي عمل درآمد لاءِ گڏيل سهڪار بابت ڳالهيون ڪيون.

پهنجو تبصرو موڪليو