اسلام آباد (بيورو رپورٽ)جماعت اسلامي جي سينيٽر مشتاق احمد سوال اٿاريو آهي ته جڏهن فوج، پوليس ۽ ايجنسيون آهن ته پوءِ دهشتگردي ختم ڇو نٿي ٿئي؟ اهڙو سوال جماعت اسلامي جي سينيٽر مشتاق احمد پارليامينٽ جي گڏيل اجلاس ۾ اٿاريو آهي.اسپيڪر راجا پرويز اشرف جي صدارت هيٺ پارليامينٽ جو گڏيل اجلاس مقرر وقت کان 1 ڪلاڪ 22 منٽ دير سان شروع ٿيو.اجلاس ۾ خيالن جو اظهار ڪندي سينيٽر مشتاق احمد چيو ته قبائلي علائقي ۾ آپگهاتي حملو ٿيو، هڪ اي ايس آءِ شهيد ٿي ويو.سندس چوڻ آهي ته قبائلي علائقن ۾ ڀتا خوري ۽ دهشتگردي عروج تي پهچي چڪي آهي، قبائلي علائقن جي عوام کي امن ڏيو، هو وڌيڪ خون ڏسڻ نٿا چاهين.سينيٽر مشتاق اهو به چيو ته قبائلي عوام امن لاءِ احتجاج ڪري رهيا آهن، اسپيڪر کي ان معاملي تي حڪومت ڪرڻ گهرجي.اسپيڪر راجا پرويز اشرف جي هدايت تي عبدالاڪبر چترالي ايوان ۾ شهيدن جي لاءِ دعا گهري.ان موقعي تي اسپيڪر راجا پرويز اشرف چيو ته معزز ميمبر جو خدشو درست آهي، اميد آهي ته دهشتگردي کي روڪڻ لاءِ هر سطح تي قدم کنيا ويندا.
