اسلام آباد(بيورو رپورٽ)اسلام آباد هاءِ ڪورٽ عام چونڊن ۾ عورتن جي ڪوٽا تي عمل نه ڪرڻ جو معاملو اليڪشن ڪميشن حوالي ڪري ڇڏيو.اسلام آباد هاءِ ڪورٽ ۾ عام چونڊن ۾ عورتن کي ٽڪيٽ ڏيڻ جي 5 سيڪڙو ڪوٽا تي عمل نه ڪرڻ خلاف درخواست داخل ڪئي وئي.جنهن ۾ درخواستگذار نعيم احمد مرزا استدعا ڪئي ته اليڪشن ڪميشن کي عورتن جي 5 سيڪڙو ڪوٽا بابت درخواست جلد اڪلائڻ جو حڪم ڏنو وڃي.اسلام آباد هاءِ ڪورٽ جي چيف جسٽس عامر فاروق درخواست تي ٻڌڻي ڪئي، جنهن ۾ اليڪشن ڪميشن جو وڪيل ضيغم انيس عدالت ۾ پيش ٿيو.
