اسلام آباد (بيورو رپورٽ) هاءِ ڪورٽ اڳوڻي صدر جي طبي بنيادن تي داخل ڪيل ضمانت واري درخواست تي پمزاسپتال جي ايگزيڪٽو ڊائريڪٽر جي سربراهي ۾ بيماري ڄاڻڻ لاءِ ميڊيڪل بورڊ ٺاهڻ جو حڪم ڏئي ڇڏيو. عدالت زرداري جي ذاتي معالج کي به بورڊ ۾ شامل ڪرڻ جو حڪم ڏنو آهي. چيف جسٽس اطهر من الله ۽ جسٽس عامر فاروق تي مشتمل اسلام آباد هاءِ ڪورٽ جي خصوصي بينچ اڳوڻي صدر ۽ پاڪستان پيپلزپارٽي جي ڪو چيئرمين آصف علي زرداري جي ميگا مني لانڊرنگ ۽ پارڪ لين ڪيسن ۾ طبي بنيادن تي ضمانت جي درخواست تي ٻڌڻي ڪئي. عدالت فريال ٽالپور جي درخواست تي نيب کي نوٽيس جاري ڪندي جواب طلب ڪري ورتو. ٻئي طرف چيف جسٽس هاءِ ڪورٽ اطهر من الله پڇيو ته ڇا آصف زرداري لاءِ ڪو ميڊيڪل بورڊ بڻيو آهي جنهن تي اڳوڻي صدر جي وڪيل فاروق ايڇ نائيڪ چيو ته پنجاب حڪومت طرفان ميڊيڪل بورڊ بڻايو ويو هو. چيف جسٽس اطهر من الله چيو ته پمز جي هيڊ کي چئون ٿا ته هو ميڊيڪل بورڊ ٺاهي رپورٽ جمع ڪرائي. ان موقعي تي فاروق ايڇ نائيڪ آصف زرداري جي ذاتي ڊاڪٽر کي بورڊ جو حصو بنائڻ جي استدعا ڪئي جنهن کي عدالت پڻ منظور ڪري ورتو. عدالت پمز جي هيڊ کي اڳوڻي صدر آصف علي زرداري جي بيماري ڄاڻڻ لاءِ ميڊيڪل بورڊ بڻائڻ جو حڪم ڏيندي چيو ته 11 ڊسمبر کان اڳ رپورٽ عدالت ۾ جمع ڪرائي وڃي. عدالت ڪيس جي وڌيڪ ٻڌڻي 11 ڊسمبر تائين ملتوي ڪري ڇڏي. واضح رهي ته گذريل ڏينهن اڳوڻي صدر آصف علي زرداري ميگا مني لانڊرنگ ۽ پارڪ لين ڪيسن ۾ پنهنجي وڪيل فاروق ايڇ نائيڪ ذريعي طبي بنيادن تي ضمانت واري درخواست داخل ڪرائي هئي جنهن ۾ نيب ۽ احتساب عدالت کي ڌر بڻايو ويو هو. درخواست ۾ آصف زرداري موقف اختيار ڪيو هو ته مون کي دل جي بيماري آهي ۽ 3 اسٽنٽ به وڌا ويا آهن شوگر جو مرض آهي شوگر ڪنٽرول ڪرڻ لاءِ مستقل علاج جي ضروت آهي ان ڪري علاج لاءِ ضمانت منظور ڪئي وڃي. جڏهن فريال ٽالپور پنهنجي درخواست ۾ ڄاڻايو هو ته منهنجي معذور نياڻي آهي جنهن جي سار سنڀال لاءِ ضمانت واري درخواست منظور ڪئي وڃي.
خط مامرو: هاءِ ڪورٽ جي سڀني ججن کان تجويزون طلب
جاپاني شهرين جي گاڏي لڳ ڌماڪو 2 فوت ۽ 2 زخمي
عالمي واٽر سمٽ ۾ گورننس کي بهتر ڪرڻ تي زور
ٽي ايل پي بابت رپورٽ صوبائي حڪومت سان شيئر نه ڪئي وئي
پشاور ۽ بلوچستان جي چيف جسٽسز جي نالن جي منظوري
دهشتگردن سان ڳالهيون نه ٿينديون، تارڙ جو پاليسي بيان
آءِ ايم ايف پاران مختصر مدي وارو پروگرام وٺڻ جي صلاح
بلوچستان جي 14 رڪني ڪابينا حلف کڻي ورتو
ڪينيا جو آرمي چيف ڏهه آفيسر سميت اجل جو شڪار
خصوصي سيٽن وارن ميمبرن کان حلف وٺڻ جو حڪم
حدبندي جو تڪرار ، پينو فقير عدالت پهچي ويا
ٽڪ ٽاڪ پاران نئين ايپ متعارف
ايران تي اسرائيلي جارحيت، صورتحال جو جائزو وٺون پيا، ترجمان
جمشيد دستي ۽ اقبال احمد خان تي اجلاس ۾ شرڪت تي پابندي
مبينا جاسوسي جي جوابدار جي ضمانت واري درخواست رد
دهشتگردي جي مڪمل خاتمي تائين سڪون سان نه ويهنداسين
دنيا جي سڀ کان وڏي چونڊ، ڀارت ۾ ووٽنگ شروع
انٽر بئنڪ ۾ ڊالر 278 رپيا 50 پئسا ٿي ويو
ٽرانسپورٽ جو ڀڳل ٽٽل نظام
ڌاڙيلن خلاف جديد ٽيڪنالاجي سان گڏيل آپريشن جو فيصلو