اسلام آباد (بيورو رپورٽ) صدر آصف علي زرداري پاڪستاني ايٿليٽ ارشد نديم کي پيرس اولمپڪس ۾ رڪارڊ ڪارڪردگي ڏيکارڻ تي کيس هلال امتياز ڏيڻ جي هدايت ڏئي ڇڏي آهي.سرڪاري ميڊيا موجب صدر آصف علي زرداري ارشد نديم کي راندين جي ميدان ۾ نمايان خدمتن جي اعتراف ۾ خصوصي تقريب ۾ سول ايوارڊ ڏيندو. صدر جي هدايتن تي ايوان صدر ارشد نديم کي سول ايوارڊ ڏيڻ لاءِ ڪابينه ڊويزن کي خط لکي ڇڏيو آهي.صدر آصف علي زرداري خط ۾ چيو آهي ته ارشد نديم بهترين ڪارڪردگي سان راندين جي ميدان ۾ قوم جو ڪنڌ فخر سان مٿي ڪري ڇڏيو آهي. ارشد نديم جي عالمي سطح تي شاندار ڪاميابي قوم لاءِ فخر جو سبب بڻيل آهي. ارشد نديم ايٿليٽڪس جي ميدان ۾ ملڪ جو نالو روشن ڪيو.
