اسلام آباد(بيورو رپورٽ) سپريم ڪورٽ اڳوڻي وزيراعظم ميان نوازشريف جي مستقل ضمانت واري درخواست رد ڪري ڇڏي آهي. چيف جسٽس آصف سعيد کوسا جي سربراهي ۾ بينچ سماعت بعد اهڙو فيصلو ٻڌايو. نواز سريف جي وڪيل خواجا حارث عدالت کي ٻڌايو ته سندا موڪل مستقل ذهني دٻاءَ ۽ ڊپريشن سبب بيمار آهي ۽ ڊاڪٽر به چون ٿا ته جن سندس دل جي آپريشن ڪئي لنڊن ۾ اهي ئي ڊاڪٽر سندس بهتر علاج ڪري سگهن ٿا. تنهن ڪري سندس مستقل ضمانت منظور ڪندي پرڏيهه مان علاج جي اجزت ڏني وڃي. هن عدالت جو ڌيان 26 مارچ واري 6 هفتن جي عبوري ضمانت منظور ڪرڻ وقت عدالت ۾ چيل ججن جي جملي ۽ لکت ۾ ڏنل فيصلي ۾ فرق بابت ڇڪايو، جنهن تي جسٽس سجاد علي شاهه کيس ياد ڪرايو ته جج جا چيل لفظ آبزرويشن ۽ لکيل حڪم هوندو آهي. عدالت مستقل ضمانت جي درخواست رد ڪندي چيو ته اڳ ۾ هو 7 مئي تي عبوري ضمانت ختم ٿيڻ بعد جيل اختيارين وٽ پيش پوي جنهن بعد ٻيهر هو ضمانت جي درخواست ڪري سگهي ٿو. ياد رهي ته العزيزيه اسٽيل ملز ڪيس ۾ 24 ڊسمبر 2018 تي کيس 7 سال ٽيپ ڏني وئي هئي ۽ هو ڪوٽ لکپت جيل ۾ هو. بعد ۾ هن طبيعت خراب هئڻ ۽ علاج لاءِ ضمانت جي درخواست ڏني. سپريم ڪورٽ سندس 6 هفتن لاءِ عبوري ضمانت منظور ڪندي کيس چيو ته پاڪستان مان جتان هو چاهي علاج ڪرائي سگهي ٿو ۽ پرڏيهه مان علاج واري سندس درخواست رد ڪئي هئي.
تازيون خبرون
مشهور خبرون
![](https://www.dailysindhyar.com/wp-content/uploads/2024/06/patti-1-1536x173-1.jpg)