راولپنڊي ۾ 11هين ڏينهن به روڊ بند، مارچ جو وزيرآباد ۾ پڙاءُ

اسلام آباد (بيورو رپورٽ)پابندي مڙهيل تنظيم جي لانگ مارچ سبب راولپنڊي جا روڊ 11 ڏينهن کان بند آهن، جڏهن ته مري روڊ تي مختلف هنڌن تي ڪنٽينر لڳائي ڇڏيا آهن ۽ ٻنهي پاسن کان ٽريفڪ بند آهي. لاهور کان اسلام آباد تائين پابندي مڙهيل تنظيم جي مارچ وارن وزير آباد ۾ خيمو کوڙي ڇڏيو آهي. وزيرآباد شهر جي ٻئي پاسي چناب درياهه تي مارچ ڪندڙن کي روڪڻ لاءِ بيريڪيڊس قائم ڪيا ويا آهن ۽ ان جي چوڌاري خندقون کوٽيون ويون آهن.

File Photo

وزيرآباد کان سيالڪوٽ ۽ گوجرانوالا جا رستا به بلاڪ ڪيا ويا آهن. گوجرانوالا ۾ ٽرين ۽ انٽرنيٽ سروس اڃا تائين معطل آهي پر شهر ۾ زندگي معمول تي اچي وئي آهي ۽ دڪان کليل آهن. گوجرانوالا ۾ به پيٽرول جي فراهمي بحال ڪئي وئي آهي، جڏهن ته لاهور ويندڙ رستا به کوليا ويا آهن.

پهنجو تبصرو موڪليو