اسلام آباد (ويب ڊيسڪ)اسلام آباد جي دهشتگردي ٽوڙ عدالت پي ٽي آءِ جي باني ۽ شاهه محمود قريشي کي وڊيو لنڪ ذريعي 7 سيپٽمبر تي عدالت ۾ پيش ڪرڻ جو حڪم جاري ڪري ڇڏيو.پي ٽي آءِ جي باني شاهه محمود قريشي ۽ ٻين خلاف ٽوڙ فوڙ ڪيس جي ٻڌڻي ٿي.اي ٽي سي جي جج طاهر عباس سپرا جيل اختيارين کي وڊيو لنڪ پيشي جا انتظام ڪرڻ جو حڪم ڏنو.جج طاهر عباس سپرا پڇاڻو ڪيو ته ڇا شاهه محمود قريشي سزا يافته قيدي آهي؟ ڪهڙي جيل ۾ آهي؟ پي ٽي آءِ جي وڪيل چيو ته شاهه محمود قريشي تي ڏوهه ثابت ناهي ٿيو، هو لاهور جي ڪوٽ لکپت جيل ۾ قيد آهي.جج چيو ته ايندڙ ٻڌڻي تي جوابدار کي وڊيو لنڪ ذريعي پيش ڪيو وڃي.
