اسلام آباد(بيورو رپورٽ)سپريم ڪورٽ آف پاڪستان اڳوڻي وزيراعظم بينظير ڀٽو جي حڪومت جو تختو اونڌو ڪرڻ جي سازش ۾ ملوث فوجي آفيسرن جي سزا برقرار رکي آهي.سپريم ڪورٽ ۾ بينظير ڀٽو جي حڪومت جو تختو اونڌو ڪرڻ جي سازش ۾ ملوث آفيسرن کي سزا ملڻ خلاف ڪيس جي ٻڌڻي ٿي.سپريم ڪورٽ جي جج منيب اختر 15 فيبروري تي محفوظ ڪيل فيصلو پڙهي ٻڌايو.عدالت ڪرنل (ر) آزاد منهاس ۽ ڪرنل (ر) عنايت الله جي سزا خلاف اپيلون رد ڪري ڇڏيون.واضح رهي ته لاهور هاءِ ڪورٽ طرفان درخواستون رد ٿيڻ بعد درخواستگذارن 2016 ۾ سپريم ڪورٽ سان رجوع ڪيو هو. فيلڊ ڪورٽ مارشل آزاد منهاس کي 2 سال، عنايت الله کي 4 سال قيد ۽ ڏنڊ جي سزا ٻڌائي.ٻنهي اڳوڻن فوجي آفيسرن تي 1995ع ۾ بينظير ڀٽو جي حڪومت جو تختو اونڌو ڪرڻ جي سازش ڪرڻ تي ڪيس داخل ڪيو ويو.
