اسلام آباد(بيورو) پاڪستان تحريڪ انصاف جي چيئرمين عمران خان گورنر پنجاب کي هٽائڻ واري معاملي تي رد عمل ڏيندي چيو آهي ته صورتحال جي نزاکت کي نظر ۾ رکندي سپريم ڪورٽ کي پاڻ ئي معاملي جو جائزو وٺڻ گهرجي. پنهنجي هڪ بيان ۾ عمران خان چيو ته درآمد ٿيل ڪٺ پتلي پنجاب ۾ آئيني انتشار ۽ افراتفري کي جنم ڏئي رهيا آهن. پهرين گهوٽالي اليڪشن ذريعي صوبي تي ڪٺ پتلي وزيراعليٰ طور مسلط ڪيو ويو. هن چيو ته سمورن آئيني تقاضائن کي نظر ۾ رکندي صدر جي عهدي جي توهين ڪئي وئي آهي ۽ آئين جي تحفظ لاءِ شرمناڪ انداز ۾ پنجاب جي گورنر کي هٽائڻ جي ڪوشش ڪئي وئي آهي. پنجاب ۾ آئين جي ان کليل ڀڃڪڙي کي خاموشي سان ڏٺو پيو وڃي. پي ٽي آءِ چيئرمين چيو ته ضروري آهي ته سپريم ڪورٽ صورتحال جي نزاڪت کي ڏسندي پاڻمرادو نوٽيس وٺي. پنجاب ۾ ضمير فروشن جو معاملو به دير سان ختم ڪيو وڃي.
