اسلام آباد(بيورو رپورٽ)اسلام آباد جي احتساب عدالت ۾ 3 ريفرنسز ۾ اڳوڻي وزيراعظم ميان نواز شريف جي پٽن حسن نواز ۽ حسين نواز جا گرفتاري وارنٽ معطل ڪرڻ جون درخواستون داخل ڪيون ويون آهن.احتساب عدالت ۾ اڳوڻي صدر آصف علي زرداري، اڳوڻي وزيراعظم نوازشريف ۽ يوسف رضا گيلاني خلاف توشه خانه گاڏي ڪيس جي ٻڌڻي ٿي.احتساب عدالت جي جج ناصر جاويد راڻا توشه خانا گاڏين بابت ڪيس جي ٻڌڻي ڪئي.نواز شريف جو وڪيل قاضي مصباح، درخواستگذار رانا عرفان، پراسيڪيوٽر عثمان مسعود احتساب عدالت ۾ پيش ٿيا.پراسيڪيوٽر عثمان مسعود عدالت کي استدعا ڪئي ته جاچ آفيسر ٻڌائي ته توشاخانا گاڏين بابت ڪهڙي رپورٽ آهي، جاچ آفيسر کي نوٽيس جاري ڪيو وڃي.احتساب عدالت جي جج ناصر جاويد رانا چيو ته جاچ آفيسر کي نوٽيس جاري ڪيا وڃن، جوابدار ڪير آهن؟ حاضري ڀري.ان سان گڏ احتساب عدالت حڪم ڏنو ته جاچ آفيسر کي 19 مارچ تي طلب ڪيو وڃي.نواز شريف جي وڪيل قاضي مصباح چيو ته ايون فيلڊ ريفرنس تي درخواستون داخل ڪرڻ چاهيان ٿو، حسن نواز ۽ حسين نواز جون درخواستون آهن، ايون فيلڊ ريفرنس ۾ حسن نواز ۽ حسين نواز اشتهاري آهن، ٻئي 12 مارچ تي پاڪستان ايندا. هڪ منصوبو آهي، ٻئي پاڪستان واپس وڃڻ چاهين ٿا.احتساب عدالت جي جج ناصر جاويد رانا چيو ته حسن نواز ۽ حسين نواز کي نوٽيس جاري ڪيا ويا آهن.وڪيل قاضي مصباح چيو ته سڀاڻي نوٽيس ڏيو، ننڍي ڳالهه آهي.نيب پراسيڪيوٽر عثمان مسعود چيو ته احتساب عدالت جيئن ئي نوٽيس وٺي.وڪيل قاضي مصباح چيو ته حسن نواز ۽ حسين نواز عدالت ۾ پيش ٿيڻ چاهين ٿا.احتساب عدالت حڪم ڏنو ته حسن نواز ۽ حسين نواز جي درخواستن تي سڀاڻي لاءِ نوٽيس جاري ڪيا وڃن.حسن نواز ۽ حسين نواز جي فليگ شپ ۽ العزيزيه ريفرنسز تي به درخواستون داخل ڪيون ويون، جنهن تي عدالت سڀاڻي لاءِ نوٽيس جاري ڪري ڇڏيا. ٽنهي ريفرنسز ۾ حسن نواز ۽ حسين نواز جا گرفتاري وارنٽ معطل ڪرڻ لاءِ درخواستون پڻ داخل ڪيون ويون.
