ڪراچي(اسٽاف رپورٽر) سنڌ هاءِ ڪورٽ سنڌ جي گورنر کي حڪم ڏنو آهي ته صوبائي محتسب خلاف سي اي او ڪي-اليڪٽرڪ مونس علوي جي اپيل تي مقرر وقت اندر فيصلو ڪيو وڃي. صوبائي محتسب جي سزا خلاف مونس علوي جي اپيل تي ٻڌڻي سنڌ هاءِ ڪورٽ ۾ ٿي.شڪايت ڪندڙ جي وڪيل عدالت جي تجويز تي اعتراض ڪيو ۽ چيو ته مونس علوي جي هاءِ ڪورٽ ۾ درخواست قابل قبول نه آهي، هاءِ ڪورٽ ڪنهن به فورم جي غير موجودگي ۾ درخواست تي ٻڌڻي ڪري سگهي ٿي.شڪايت ڪندڙ جي وڪيل چيو ته مونس علوي جي اپيل سنڌ جي گورنر وٽ التوا ۾ آهي، جيڪڏهن مونس علوي هاءِ ڪورٽ ۾ اپيل ڪرڻ چاهي ٿو ته پوءِ کيس گورنر وٽ اپيل واپس وٺڻ گهرجي.سي اي او ڪي-اليڪٽرڪ مونس علوي جي وڪيل چيو ته شڪايت ڪندڙ سنڌ جي گورنر وٽ اپيل تي ڪارروائي ملتوي ڪرڻ جي به درخواست ڪئي.جسٽس اقبال ڪلهوڙي ريمارڪس ڏنا ته عدالت سنڌ جي گورنر کي مقرر وقت اندر اپيل تي فيصلو ڪرڻ جي هدايت ڪري سگهي ٿي.وڪيل مونس علوي چيو ته قانون موجب گورنر کي اپيل تي 90 ڏينهن اندر فيصلو ڪرڻو آهي، صوبائي محتسب کي ڪي-اليڪٽرڪ خلاف ڪارروائي ڪرڻ جو ڪو به اختيار ناهي.عدالت چيو ته جيڪڏهن ڌريون تجويز سان متفق نه ٿيون ته اهي دليل ٻڌڻ کان پوءِ دائري اختيار جو تعين ڪندا.سنڌ هاءِ ڪورٽ صوبائي محتسب جي فيصلي کي معطل ڪندي عبوري حڪم کي ايندڙ ٻڌڻي تائين وڌايو ۽ درخواست جي وڌيڪ ٻڌڻي 4 هفتن لاءِ ملتوي ڪري ڇڏي.
