ڪراچي (اسٽاف رپورٽر) نادرا پاران پرڏيهين کي ڪوڙا شناختي ڪارڊ جاري ڪندڙهڪ ملازم، هڪ ايجنٽ ۽ هڪ ڪارڊ ٺهرائيندڙ کي ايف آءِ اي رمنڊ لاءِ جڊيشل مئجسٽريٽ ڪراچي اوڀرجي عدالت ۾ پيش ڪيو. ايف آئي اي ٽنهي جوابدارن محمد امين ڪوڙو ڪارڊ ٺهرائيندڙ، معراج ايجنٽ ۽ عبدالعزيزڊيٽا انٽري آپريٽرکان وڌيڪ جاچ لاءِ رمانڊ گهريو ۽ عدالت جوابدارن کي ٽن ڏينهن جي جسماني رمانڊ تي ايف آئي اي حوالي ڪري ڇڏيو، جوابدار محمد امين ۽ ان جي والد جي پيدائش ۾ رڳو 9 سالن جو فرق آهي، جوابدار30 هزار روپين عيوض جعلي ڪارڊ ٺهرايو هو. ياد رهي ته سنڌ نادر وارن 40 لک پرڏيهين کي ڪوڙا ڪارڊ ٺاهي ڏنا آهن ۽ هن ڪيس ۾ 10 جوابدار اڳ ۾ ئي گرفتار آهن ۽ هيل تائين گرفتار ملازمن، ايجنٽن ۽ فائدو حاصل ڪندڙ گرفتار جوابدارن جو انگ 13 ٿي ويو آهي.
