اسلام آباد (بيورو رپورٽ) ملڪ ۾ ڪورونا وائرس جا ڪلور جاري آهن، گذريل 24 ڪلاڪن دوران وڌيڪ 87 ماڻهو فوت ٿي ويا آهن. نيشنل ڪمانڊ اينڊ آپريشن سينٽر موجب ۾ قاتل وائرس ڪورونا وڌيڪ 87 ماڻهن کان حياتيون کسي ورتيون آهن، گذريل ڏينهن 48 هزار 75 ڄڻن جي ڪورونا ٽيسٽ ڪئي وئي، جن مان 3 هزار 179 نوان ڪيس سامهون اچي ويا آهن. نيشنل ڪمانڊ اينڊ آپريشن سينٽر موجب ملڪ ۾ ڪورونا سبب فوت ٿيلن جو انگ 9 هزار 250 ٿي ويو، جڏهن ته متاثرن جو انگ 4 لک 54 هزار 673 تائين پهچي ويو آهي. اين سي او سي موجب هن وقت ملڪ ۾ ڪورونا جي فعال ڪيسن جو انگ 40 هزار 299 آهي. هوڏانهن سنڌ ۾ 24 ڪلاڪن دوران ڪورونا وائرس سبب وڌيڪ 17 مريض فوت ٿي ويا آهن، سنڌ جي وڏي وزير سيد مراد علي شاهه ڪورونا صورتحال بابت جاري بيان ۾ چيو آهي ته صوبي ۾ فوت ٿي ويل مريضن جو انگ وڌي 3319 ٿي ويو آهي، گذريل 24 ڪلاڪن ۾ ڪورونا وائرس جا 1120 مريض سامهون آيا آهن.
