اسلام آباد (بيورو رپورٽ)پي ٽي آءِ باني جي وڪيل عبداللطيف کوسا سپريم ڪورٽ جي چيف جسٽس يحيٰ آفريدي کي خط لکيو آهي، جنهن ۾ پي ٽي آءِ باني جي طبي رپورٽن جي فراهمي جو مطالبو ڪيو ويو آهي.خط جي متن ۾ مطالبو ڪيو ويو آهي ته عمران خان جي ذاتي طبيبن ڊاڪٽر فيصل ۽ ڊاڪٽر عاصم کي سندس معائنو ڪرڻ جي اجازت ڏني وڃي، ۽ باني کي الشفا اسپتال منتقل ڪرڻ جو حڪم ڏنو وڃي.متن موجب، پي ٽي آءِ باني جي خراب ٿيندڙ صحت خاندان ۽ عوام لاءِ پريشاني جو سبب آهي. سندس بيماري دوران به کيس بنيادي سهولتن کان محروم رکيو ويو. عدالت جي حڪم تي سندس طبي معائنو ڪرايو ويو، پر خاندان کي اوندهه ۾ رکيو ويو.لطيف کوسا خط ۾ لکيو آهي ته اهو دعويٰ ڪيو ويو هو ته خاندان ۽ پارٽي اڳواڻن کي سڏيو ويو هو پر اهي نه آيا، جڏهن ته اهو دعويٰ ته پي ٽي آءِ باني جي خاندان ۽ پارٽي قيادت کي طبي معائني دوران سڏيو ويو هو، مڪمل طور تي غلط آهي.خط موجب، خاندان کي اطلاع ڏيڻ کان سواءِ خفيه طبي معائنو ڪيترائي خدشا پيدا ڪيا آهن. خاندان کي طبي معاملي کان ٻاهر رکڻ پريشاني ۽ خدشا وڌائي رهيو آهي.
