اسلام آباد(بيورو رپورٽ)وفاقي گهرو وزير ۾حسن نقوي جيڪو پاڪستان ڪرڪيٽ بورڊ جو چيئرمين به آهي، سومر تي اعلان ڪيو ته وزيراعظم شهبازشريف ٽنهيپي ايس ايل جي پلي آف ميچن ۾ شائقين کي شرڪت جي اجازت ڏئي ڇڏي آهي۔
سوشل ميڊيا پليٽفارم X تي پنهنجي بيان ۾ نقوي چيو: “مان هاڻي ئي وزيراعظم شهباز سان ملاقات ڪئي آهي، ۽ مون کي خوشي آهي ته اسان باقي رهيل پلي آف ميچن ۾ عوامي شرڪت جي منظوري حاصل ڪري ورتي آهي.”
هن وڌيڪ چيو: “تنهن هوندي به، هن منظوري سان هڪ اهم شرط به لاڳو آهي ته شائقين کي سختي سان هدايت ڪئي وئي آهي ته هو ميچ ڏسڻ لاءِ عوامي ٽرانسپورٽ استعمال ڪن يا تيل جي استعمال کي گهٽ ڪن، جيڪو جاري قومي بچت مهم سان هم آهنگ آهي.”
نقوي چيو ته وزيراعظم شهباز شريف پلي آف ۾ حصو وٺندڙ چارئي ٽيمن لاءِ نيڪ خواهشن جو اظهار پڻ ڪيو آهي۔
هن هفتي ٽي پلي آف ميچون شيڊول آهن، جڏهن ته فائنل آچر تي ٿيندو۔ اڱاري تي اسلام آباد جو پشاورسان ڪراچي۾ مقابلو ٿيندو، جڏهن ته اربع تيحيدرآباد ۽ ملتانجو لاهور ۾ مقابلو رٿيل آهي.
پهرين ميچ جو هارائيندڙ ٽيم پوءِ جمعي تي لاهور ۾ ٻي ميچ جي کٽيندڙ ٽيم سان مقابلو ڪندي۔
هي فيصلو ان اعلان کان ٻه ڏينهن پوءِ ڪيو ويو آهي، جڏهن نقوي چيو هو ته وزيراعظم شهباز شريف سندس درخواست تي پي ايس ايل فائنل دوران به اسٽيڊيم ۾ شائقين کي اجازت ڏني آهي۔ فائنل ميچ 3 مئي تي لاهور ۾ ٿيندي۔
